|
|
على الله تعود |
على الله تعود على الله
يا ضايع في ديار الله
من بعدك أنت يا غالي
ما لي أحباب غير الله
**********
يلي مرمرت زماني
كانك بطلت تهواني
***********
يا أبو الأحباب لاقيني
من بعد غياب هنيني
حاجي من دموعي تسقيني
نشفت دموعي اي والله
***********
عتابا
على الله تعود بهجتنا والفراح
وتغمر دارنا البسمة والفراح
قضينا العمر ولف ضل وولف راح
وضاع العمر هجران وغياب
************
لو جاني يوم مرسالك
و طمني يوم عن حالك
لطرب الفؤاد كرمالك
واسجد على أبواب الله
|
ياختي نجوم الليل شوفيها |
ياختي نجوم الليل شوفيها سبحان خالقها وباريها
بهالسما قناديل مضويّة بتقدري ياختي تعدّيها
ومتل نعاج بأرض بريّة سارحة والرب راعيها
شوفي القمر رفرف على المّية وصورته للناس رانيها
وحقولنا بالزهر مكسيّة عاكتاف ضيعتنا وروابيها
بكرة السفر يا نور عينيّ خدودِك من الهجران حنّيها
مالي قلب أكسر قلب بيي ولا ميمتي بوّس أياديها
خيي، انت غلطان يا خيي كلمة سفر من تمّك رخيها
وطّل عا اختك بالك شويّة وبهيك نغمة لا تحاكيها
إن رحت بدنا ندوب حنيّة وقلوبنا تفقد أمانيها
وأمّك بالحزن ما بيسوى نكافيها
ولمين بدها تقول يا بنيي بنيي خيي وحيدا لا تجافيها
صارت على العكاز محنيّة شو عليّ أنا بدّك تخلّيها
ياختي تأصبر ما بقى فيي بلادي بقلبي ورح بفديها
هالحنّت عَغيري وجارت عليي، عليي ومين متلي مجد عاطيها
أنا الغنّيتا للفكر غنيّة بأبيات عمتحكي قوافيها
والحان حبي عطيتها هديّة وما قابلت بالمتل هاديها
خيي برضاي عليك يا خيي ورقة فراق بلادك طويها
وعالسفر لا تصمم النية النية بكرة الدني تضحك لياليها
وكل غفوة تحت هالفيّة بتسوى الدني وكل ما فيها
وعهالسطيحة كل سهرية هموم الدني عنك بتجليها
وجبالنا صفحات سماوية صورة وطن حلو معانيها
خليك عاهالبيت شمسية بكرة بتجي إيام عز كتير
كلمة سفر من تمك محيها
يابا يابا يا يا..
|
بالساحة تلاقينا بالساحة | بالساحة تلاقينا بالساحة
عليها جوز عيون شو دبَّاحة
وقامة يخزي العين والخدين
تفاحة بتغار من تفاحة
لاموني العزَّال والحبايب
جافوني الخلان والقرايب
قلتلا يا بنت قلبي دايب
قالت مالي قلب بالصراحة
قلتلا هالروح بتشوِّقني
وبحبال الأحلام بتعلقني
قالت ما بترتاح يا عاشقني
وفكار العشاق مش مرتاحة
حني عالمشتاق لنُّو ببسمة
بترديلي الروح لو تبتسمي
كلما صوب الحي تمرق نسمة
ببعتلِك سلام تحت جناحا
|
وَلَوْ | ولو هيك بتطلعوا منا؟.. وماتعودوا تسألوا عنّا
عالقليلة تذكروا الماضي..
بسمة على شفاف الهوى كنا.. ولو ولو
ولو هيك بتتركوا المجروح؟..
عفراقكم صفّى عآخر روح
متعوب فكرو منكسر قلبو
عفراقكم روحو بتجي وبتروح
ولو.. ولو ولو ولو ولو
ولــــــــو
كفتى هالأسى كلو..
مهما جرى بالبال بتضلوا.. عيني
أمان أمان حبيبي
بكرا انسألني مطل ضيعتكم
وين أخت الشمس شو بقللو؟ ولو ولو حبيبي..
قالت ضحاك.. ما بريد تعقد هالجبين
استحليت عاشفافك الضحكة أعرفا.. عيني
قلت كيف بدي أضحك وقلبي الحزين..
تيتّم وصابر عالمحبة والوفا..
ولو.. ولو.. أه ولو…
هيك بتطلعوا منا؟..
بسمة على شفاف الهوى كنا.. ولو ولو..
|
الله يرضى عليك يا ابني |
الله يرضى عليك يا ابني
ضهري انكسر والهم دوَّبني
خود ليلى بنت ضيعتنا
ترتاح معها وما بتتعبني
خود ليلى بنت ضيعتنا
بنت عيلة متل عيلتنا
وبتعيش يابني متل عيشتنا
سماع مني ولا تجاوبني
بنت المدينة بدها خدام
الا عَريش نعام ما بتنام
ليلى يا ابني ان جارت الأيام
بتعيش عالزيتون والجبنة
الله يرضى عليك يا ابني
سلمى ما عندا عليك حنية
ومعوَّدة عالرقص ليلية
بعود عنها وخود عيني
وخود روحي ولا تعذبني
صار لي عمر يا بني بربي فيك
وتحت فية جانحي بخبيك
يابني عادرب الخير عم بهديك
الله يرضى عليك يا ابني
|
عمر يا معلم العمار | عمر يا معلم العمار وعلِّي حارتنا يا با
عمرلي شي أوضة ودار بتعمر دنيتنا يا با
يا عمار العمارين دبِّرنا قبل تشارين
شي أوضة وعلية ودار يكونوا شبابيكون حلوين
شيل حجار وحط حجار وعمر يا معلم العمار
وعمر يامعلم العمار وعلي حارتنا يا با
عمر تنعمِّر لبنان وبستان يلوِّن بستان
سيِّج تانسيج بزهور بورد وتفاح ورمان
وتحلا قمار وتضوي قمار وعمر يا معلم العمار
وعمر يا معلم العمار وعلِّي حارتنا يا با
وعمر تانعمِّر لبنان ويعلى عالغيم البنيان
هالمرَّة سيِّج بزنود بقلوب وعزم وإيمان
خلاق فكار شقاع فكار وعمر يا معلم العمار
وعمر يا معلم العمار وعلي حارتنا يا با
|
يا ام الضفاير | يا ام الضفأير حلوة والجبين العالي
مضوي جمالك مضوي مشعشع بالليالي
عيونك واللون الأسمر وقلوب التتحسر
يا خصر بمنتور مزنَّر شو بتخطر عا بالي
لوحي بالغرَّة الفضة بزهور المبيضَّة
قلبي ياما وياما قضَّى بِحِبِّك الغالي
موَّال :
يا وردة اللي ألف شوكة سورها
وإلاَّ طيور الوعر ما بتزورها
بوَّابة اللي كلها شمس ودفا
يا ريتني يا ريتني ناطورها
ميلي ببراجك ميلي وخلِّيكي مقابيلي
لمَّا بإيدِك بِتوميلي بِجيلِك لَحالي
|
عيونك أخدوني وجابوني | موَّال:
ياليل يا ما فيك غنِّينا
زرعنا الحكي الطيِّب حوالينا
نصلِّي لضحكة نندر لسهرة
ونسقي الحلا من دموع عينينا
عيونك أخدوني ورميوني وعلآخر دنيي ودُّوني
ومن آخر دنيي جابوني وما بعرف وين شلحوني
عيونك يا بحيرة ميّ ورد وزنبق غمزاتن
مرَّة بِحنوا شويّ ومرَّة بتقسى لفتاتن
خايف دخلك ليقسوني واغرق بالمي وينسوني
عيونك يا حد السيف ومدهَّب بغنية
مرَّة بيكونوا صيف ومرَّة فيهون شتوية
ومادامون رضيوا وحبُّوني ليش تا بلآخر جرحوني
عيونـــك!
|
بترحلك مشوار | قالت بترحلك مشوار
قلتلا يا ريت
قالت لكن أوعا تغار
حواليِّ العشاق كتار
قلتلا بطَّلت... خليني بالبيت... قالت..
قلتلا مكسَّر تكسير
ما بمشي هيك مشاوير
قالتلي سماع مني وروح
واللي بدو يصير يصير
عشت كتير وشفت كتير وغيرك ما حبيت.. قالت
قالتلي أوعى تهتم
انشالله ما بتشوف الهم
قلتلا راح اللي راح
مليتيلي قلبي جراح
قلتلا من هالأخبار
والله ما انهمَّيت
موال :
أحبابي وين ما راحوا
بقلبي وعقدة همومي يحلون
كاس المر بالبلسم يحلون
ويصبح كاس طيِّب للشراب
تاري الحب فنون فنون
وما بيعلق غير المجنون
قالتلي ما عندك قلب
قلتلا غيَّرت الدرب
لا رح اعشق ولا رح حب وهالمرَّة تربَّيت!
|
البير | قديشنا صحبة أنا وهالبير عشاق نحنا من زمان كتير
وغماق شو في سرار مطوية بقلوبنا ودموع ومشاوير
أنا وهالبير ..
قديش صرلي بعرفو شو عمر جيل البيادر والولاد السمر
أيام كان الغمر خلف الغمر موسم صبايا وحب وشحارير
أنا وها البير ..
يا بير هالكانت توالفنا بتمرق كأنا ما بتعرفنا
زرعنا سقينا الزرع وقطفنا وبدنا نسرب ما بقى بكير
أنا وهالبير ..
عوافي يا بو فارس تعبان كتيير، دايماً منشوفك حارس عحفاف البير
خلصت الشغل وما ضل عليِّ ولا جل، مرقت شربت ورح فل الليلة بكير
يا بو فارس شو عملنا لا تسألنا، اسآل اسآل معاولنا بتحكي وبتطير
عمتشتاق الغنية عالقمرية، مدري الليلة السهرية وين بدا تصير
الليلة السهرية، عابير المية، وحياة عيونك بو فارس بدنا غنية
انتوا عاعيوني، لكن عيفوني، بخاف الملعونة هي مرتي تقوم تجي عليِّ
وك يا بوفارس، وحياتو فارس، ان إجت ام فارس منقلاَّ بعدك صبية
وحياة عينك وحياة عينك بدنا صوت صغير وبس
غنياتك بجلساتك بتخلي الحجار تحس
وك عيفوني دايقتوني كيف بدي غني عاللس
مش رح نقلع حتى نسمع منك صوت صغير وبس
موال: لمّن شافتني تنهدت من دون حكي ورغرغت بالدمع أصدا تشتكي
واحْمرّ ورد خدودها وبكيت خجل ومن غصتي ما قدرت قلها شو بكي
|
طلعني درجة درجة | طلعني درجة ودرجة
تا نوصل عالدار
دارك يا حلوة مرجة
فيها الحب زرار
وفرجة فستانك فرجة
وفرجة ها الزنار
يا حجلة كرجة وكرجة
الصيادين كتار
خلينا بهالليل نفل
نقطف ورد ونلملم فل
بلكي شي نجمة بتطل
بتاخدنا مشوار
موال :
عالبيت عادار اللكن بسأل
وبخاف قلبي من التعب يدبل
يا شعرك اللي الف لون ولون
عاجدايلو نجوم السما بتنزل
|
طلوا احبابنا طلوا | طلوا حبابنا طلوا
نسم يا هوا بلادي
وبين ربوعنا حلوا
ضحكت زهرات الوادي
بالفيات غنينا
وعا الميات تلاقينا
وعل أغصانا حلو
وينسانا الطير الشادي
ونحنا حكايات في بالو
منا نغمات موالو
ولما النسمات تحلالو
بين الغابات بينادي
فوق جبالنا السمرا
طل الفجر يحاكينا
بين مروجنا الخضرا
صار الورد ينادينا
والأطيار عالميلين
تروي أخبار... العين العين
فوق جبالنا السمرا
طل الفجر يحاكينا
ونحنا من بعيد نحديلو
عن حب جديد نحكيلو
عا السمر الغيد نوميلو
من خمر العيد يسقينا
|
قتلوني عيونا السود |
قتلوني عيونا السود يا ليل وما لو حدود
قتلوني قتلوني قتلوني عيونا السود
وبنية عم تكبر من يوم ليوم
زهرة محروسي بسيوف النوم
خوفي يا سنين لتمر سنين
تنساني عيونا السود
أنا لاسأل عليهن من حي لحي
دور عن صورهن ببرك المي
والسهل يغيب والليل يغيب
ويطلوا عيونا السود
|
الليل ياليلى يعاتبني | الليل ياليلى يعاتبني
ويقول لي سلم على ليلى
الحب لاتحلو نسائمه
إلا إذا غنى الهوى ليلى
دروب الحي تسألني
تره هل سافرت ليلى
وطيب الشوق يحملني
إلىعينيك ياليلى
لاجللك يطلع القمر
خجولاً كله خفر
وكم يحلو له السفر
مدى عينيك ياليلى
لنا الأيام تبتسم
ولاهمس ولاندم
وماذا ينفع الندم
نديم الروح ياليلى
|
حبيبي ونور عيني |
حبيبي ونور عيني نور عيني
ماكنت تقول خطيّة
تقول خطيّة
بعدك يا أبو عيون السّود
عيون السّود
شايف حالك شايف حالك عليّ
محيّرني محيّرني كيف براضيك
باتمنى باتمنى ساعة لاقيك
وغلبت وغيّر وغيّر بدّل فيك
ولعباتك هي هي هي هي
رزق الله رزق الله الحب الماضي
شو كان الفكر الفكر فاضي
باتمنى وباتمنى شوفك راضي
وبعدك وبعدك زعلان عليي
لاقيني لاقيني نهار ع دربي
وعليّ وعليّ حاجة تخبي
سلّمتك سلّمتك روحي وقلبي
وقلبك وقلبك مافي مافي حنيّة
|
رح حلفك بالغصن يا عصفور | رح حلفك بالغصن يا عصفور
بالورق بالفي بالنبعات
بالزيّح جناحك بريشة نور
بالمرجحك مع زرقة النسمات
إطير يا عصفور .. عكوخ منه الزال
غويات سقفه زهور
مفروش بالعنبر حب الندي الأخضر
دنيّا ظلال ظلال دنيّا ظلال ظلال
تقشع عريشة وباب بفيتا مزوق
وحلوة بإيدا كتاب سلم على الحلوة
وإن هديت رياحك بتمرن جناحك
عالسطح عالحيطان
عتياب مهرية عالبسط عالقمصان
ع كلشي مخزق عالمقعد الأزرق
عالقمر السكران
البذكرا فيي آآه فيي.. بذكرا فيي
وإن كان مافي شي من حبنا باقي
بتسكت الساقي يا طير وبتمشي
وبتغط احملني ..
يا من هاك التلة
يا من هداك الغالي شي ذكر شي قشه
ومن خرطشة ديها
من تحت إجريها
شي نقطتين تراب.. شي نقطتين تراب
|
لوين يامروان | لوين يا مروان ...؟ ع مهلك
ع مين تارك أرضك وأهلك
سنتين صرلي شايفك حيران
ماكنت كلمة لوم وجهلك
كنت قول بعدو ولد جهلان
حلك يا أبني تفيق من جهلك
توعّى .. توعّى شويّ يا مروان
خلـّيك مع أهلك ولا تهلك
يـــــا ابـــنـــي
لبست قميصا الأخضر التلا ّت
والسما والأرض موجة نور
قوم يا ابني اشتاقت الكرمات
للميجانا ولهيصة المعدور
واشتاقت الرزقات للعجقات
خللي الصّخور تصير مرج زهور
وتلـّة الوادي ... غنجة النايات
منجيرة الراعي ... وعيطة الناطور
يــــــا ابـــنـــي
هالأرض مـنـّا ودمّـنا منها
وغلا ّتها وخيراتها مـنـّـا
أيماننا بالحب كونها لمــّـا إله الخير كونـّنا
الحبّ صورة مصغّرة عـنّـا
والعزم صورة مصغّرة عـنـّـا
شفافك ع بسمة حبّ مرّنها ..
متل ما نحنا تمرنّـنا .... يا ابني
ان طلعت الصخرة بوجّك اطحنها
ولقمة العمر ... بأيدك اعجنها
واعطي الأرض ولا تمنـّـنها
بتضحكلك وبتقلك .... اتمنّى
من الأرض نحنا والأرض مـنـّـا
|
انا انسان | يا رب
على دموعي أنا سهران
أناجي اسمك الرحمن
اعاتب روحي عالماضي
وانده أطلب الغفران
مهما كان أنا إنسان
مانيش معصوم من العصيان
على دموعي أنا سهران
يارب
سهرت الليل مع نفسي
مابين أملي وبين يأسي
دموع الخوف بتسبقني
وأملي فيك يطمني
ومهما كان أنا إنسان
مانيش معصوم من العصيان
على دموعي أنا سهران
لحد الفجر ما كبّر
ونوره عالوجود نوّر
بروحي جيت على بابك
أتوب عن ذنبي واستغفر
ومهما كان أنا إنسان
مانيش معصوم من العصيان
على دموعي أنا سهران
ياربي جيتلك أتوب ودموعي سبقاني
بروحي تايب إليك وبقلبي ولساني
قصدت بابك يا ربي مالي سواك تاني
أبكي في باب رحمتك
واندم على اللي فات
سامحني يا غفار
واغفرلي عصياني
رجعت إليك يا ربي أتوب
وأملي كبير أفوز برضاك
وانت يا ربي رب قلوب
بتعفي كتير عن اللي عصاك
ومهما كان أنا إنسان
مانيش معصوم من العصيان
على دموعي أنا سهران
|
سبحان من جمالك | سبحان مـن جمّلـك بالحسـن أو جلّلـك
دغدغت عودي علـى يـدي وغنّيـت لـك
بنيـت مـن مخمـلٍ في أضلعـي منـزلا
إذا نسيـتَ الـهـوى لاتنـس مـن دللّـك
أغار من قبلة الصباح إن قــبّــلـــك
ومن خيـال الدجـى بالسحـر إن كحّلـك
تحكّم الحسن يا مولاي وهـــو الـمَـلَـك
فأنت بدرٌ على أفقـي وقـلـبـي فَـلَــك
إنّ الفَـرَاشَ الــذي عنـده مـا استقبلـك
قد ملّ قطـر النـدى لمّـا رأى منهـلـك
|
بعيوني سفرتك | بعيوني سفرتك مرة ..ع دنيي مافيها حدا
عمروج الهوى المخضرة..قلبي يغنيلك عالهدا
بعيونك تطلعلي بسمة ع صورة حبك مرتسمة
بيني وبينك تمرق نسمة تحملنا ع جناح المدى
سفرتنا كانت غريبة ع دنيي بعيدة وقريبة
لمن اندهلك حبيبي ما يجاوبني غير الصدى
سافرنا فرحنا وغنينا وتعاتبنا وتحاكينا
مهما بعدنا وتجافينا بقلبي مافي غيرك حدا |
شاب الهوى | شاب الهوى و شبنا و بعدن حبايبنا
بعدو العتب داير لا تعب و لا تعبنا
بعدو العتب داير ليليي ليليي
وطاير السهر طاير على كل عليي
كتب الهوا كتبنا داب الحلى و دبنا
و بعدو العتب داير لا تعب و لا تعبنا
أنا قلبي اللي عذبني جرحني و إتجرح
شرق و غربني و كل واحد بمطرح
جنت مراكبنا و الشوق غربنا
و بعدو العتب داير لا تعب و لا تعبنا
|
عالهدا | مرحبا مرحبا ... أهلا بالحلوين
إنشالله الهمي بعدا مليحة .. متل الحساسين
واعدني بطلع عالصيف و بحمل كيسين زيتون
أنا بعربش على التوتي متل الأرض كون
و أنا مبارح بالسهرة رقصت تلات ساعات و أكلت تلات صحون كح كح
إسمالله و ميت إسمالله بعدكن شباب يا مشالله
إذا مشيتوا عالهدا و إذا رقصتوا عالهدا و يحرسكن الله
عالهدا يابا عالهدا ما تخلي يشوفك حدا
يا رنين الدهب على الشال القصب
و الحلوي تنده بالعلوي لوح بالكرم العنب
يابا أوف يا حدا و ما في حدا
يا ستاعشر سني يا عمر الولداني
يا مين يرجعني زغير و ياخد مالك يا دنيي
أوف أوف أوف إرجع إكبر عالهدا
ويدا ويدالك يا ويدا ويدالي نارك و لا جنة هلي
يا ويلي ويلي قصيتو شعري الطويل و قصيتو
رحت لابوها وصيتو شايك ما ريدو زوزق إلي
يا ويلي ويلي عالغزل نقل الحزل كرز الحزل
يا حلوي دلي عالجبل ضلي إضحكي و تدللي
|
وكبرنا | ضميري مش مرتاح وقلبي مش مرتاح حاسس اني ضايع
ومضيع المفتاح افكاري قلقانه وعينيّي سهرانه
حاسس انك يا بنتي ما عدتي انتي انتي
حاسس انك تعبانه حاسس انك زعلانه
عم شوف بعينيكِ غيوم سوده عم تشتي هموم
يمكن انا غلطان يمكن انتي غلطانه
احساسك بمحلو يا بيي احساسك بجلو وعن اذنك بدي قِلو
بنتك صارت صبيه كل ما غيمه سوده قبالي
مرقت شو بتخطر ع بالي تخطر ع بالي كلماتك
تخطر ع بالي نظراتك وارجع ع رزنامه عمري
راجع اول صفحه بعمري صغيره وبتعوظني من كتاب
بيحكي الدنيا نعاج دياب وما وافق يا بيي بيي
وشو تعيط عليّي ايه يا بنتي لما صغيره كنتي
خبيتك تحت جناحي خبيتك تترتاحي
وكبيره هلىء صرتي صرتي انتي جناحي
بحلف بعينيكِ من كتر خوفي بوقتها عليكِ
كنت ارسملك صور واخبار ذاعت بقلبي حاوطك داير مادار
وتبقي عطر زنبق معبى بدار وتكبري بعين الكل
وتبقى صغيره بعينيي وكبرنا يا بيي
وكبرت فينا الايام مسؤوليه كبرت معانا وكبرت الاحلام
كرمالي يا بيي شاركني المسؤوليه
ايه ايه يا بيي
لا تخافي يا بنتي يا زهره عينيي
وحدك ما بخليكِ بعرف صرتي صبيه
وصار لازم خاويكِ بحاول ما خبي عليك
ولغيرك ما اشكي بتطلع بعينيك
بحسك عم تفهمني من قلب ما احكي
صعبه وحدي كفي الدرب واخدو مني فرح الحب
خطفو مني قلب الام وسرقو مني الضحكه
مش عم صدق شو عم بسمع حاسس قلبي بلش يدمع
اخدو صوتي لمين بغني خطفو لون دموعي مني
حرمو عيوني تبكي ساعدني يا بيي ما تتركني يا بيي
ردّلي ع قلبي الضحكه راح ترجعلك الضحكه وايام الهنا
وعنك مش راح اتخلى ولا دقيقه انا ومش راح خلي تطول النطره
والليل قابل ع بكره ع قلبك راح رد الضحكه
راح ردها انا ماكان عندي شك يا بيي
انو ازا حكينا اخدنا وعطينا
راح افهم عليك
وراح تفهم عليي
ايه يا بيي
ايه يا بنتي
|
طوينا كتاب الحب | طوينا كتاب الحب ونسينا البكي
وما بقينا نقول آه ونشتكي
كنا انتهينا لا علينا ولا لنا
انشالله انتهيتي ولا عليكي ولا لكي
لمين بدي بعد احكي واشتكي
راحت الشكوى سدى وضاع الحكي
شكيتك لله وللعباد وللهوى
ما بقى الا اشتكي عليكي لكي
ما ضل عاشق من صدودك ما شكي
وقلبك محجر ما يلين لمشتكي
عا سلامتو ياللي شمط قلبك وراح
تا يعلمك يا ظالمة كيف البكي
طوينا كتاب الحب وانسينا البكي
وما بقينا نقول آه ونشتكي
|
طيري يا يمامة | طيري يا يمامة وروحي يا يمامة
روحي لام عيون السود ووديلا سلامة
روحيلا روحيلا عالطاير روحيلا
روحي لام عيون السود وعن حالي اشرحيلا
طيري يا يمامة وروحي يا يمامة
روحي لام عيون السود ووديلا سلامة
روحي عالطاير عودي بالبشاير
عودي وجيبيلك عنقود ومن دارا علامة
طيري يا يمامة وروحي يا يمامة
روحي لام عيون السود ووديلا سلامة
روحي عالغروبي يا نسيم غروبي
قوللي لام عيون السود الامورة الهيوبي
صابر عا اشواقي عا مر الفراقي
بالله تعجّل بدي الاقي وتحلّي ايامي
طيري يا يمامة وروحي يا يمامة
روحي لام عيون السود ووديلا سلامة |
عرزالنا الأخضر | عرزالنا الاخضر بيفوح بالعنبر
بعدو بهالجوزة منصوب يا اسمر
اووووف يا بااي يابا
بعدا الطيور معشعشة بعبو
والزهر بعدو مدردر بقلبو
عم يسالو علينا وليش حبينا
اللي تعلموا من حبنا يحبو
عرزالنا الاخضر بيفوح بالعنبر
بعدو بهالجوزة منصوب يا اسمر
اووووف يا بااي يابا
ما عليش يا عرزال لا تحزن وتلوي
بعدها بالبال ايامك الحلوة
بكرا بنرجعلك وبارضك بنسهر
موال : بنخبرك شو صار فينا عالفراق
الكاس العكر عا غيبتك ما عاد راق
من كثر ما تمرجح هوانا بالهوى
فيي وفيها الكون يا عرزال ضاق
عرزالنا الاخضر بيفوح بالعنبر
بعدو بهالجوزة منصوب يا اسمر
اووووف يا بااي يابا
|
|
|